中環出更：蔣麗芸寸陳淑莊冧樹事件潛水

地政總署上月以健康差同埋出現傾斜為理由，移除香港大學鄧志昂樓前嘅兩棵細葉榕，引起立法會議員陳淑莊等人質疑。建制派立法會議員蔣麗芸（Ann）尋日喺社交網站貼出另類「尋人啟事」，字裏行間暗寸陳淑莊喺之後多宗冧樹事件中「潛水」。

該紙張泛黃嘅啟事印有陳淑莊嘅大頭照，形容其瘦削身材，自上月現身港大石牆瀕塌大樹現場後，本月六日及八日都有大樹倒塌，但係陳氏就一直未現身。啟事上指「余甚掛念，連日大雨，余憂其潛水太深，恐生意外」，任何人士如發現其行蹤，請即告知。

點解阿Ann咁玩呢？佢就解釋話，早已有街坊投訴港大被移除嘅細葉榕可能會倒塌傷人，批評陳為反而反，連可能會危及安危都反，認為市民安危較樹木更重要喎。

卓妮