貨車閃避掃30水馬 衝入地盤
【本報訊】貨車險撞車，失控掃「水馬」衝入地盤，司機豪邁跳落車問：「有冇嘢？」有讀者提供一段「車Cam」片段，顯示拍攝於昨晨十時許，拍片者的私家車沿粉嶺公路行駛，沿路兩旁已圍上「水馬」進行路面工程，期間一輛貨車尾隨，兩車間維持一段距離。
赤膊司機落車問事主「有冇嘢」
未幾，事主因應交通情況收慢，惟貨車未有跟隨減速，距離愈來愈近，在快要碰撞之時，貨車司機似如夢初醒，將車扭向左閃避，連掃至少卅個「水馬」後，直衝入地盤內，再衝前一段路才停下，現場傳出行雷般巨響，事主連忙煞停，而赤膊的貨車司機約卅秒後落車，豪邁跳過「水馬」，急步走向事主車旁，中氣十足地問：「你有冇嘢呀？」得悉事主無恙後，自行搬開被撞「水馬」。