政情：公民講場：鄭若驊做壞榜樣 教學生辯論轉移視線

律政司司長鄭若驊尋日下午出席大律師公會舉辦嘅校際辯論比賽，期間教學生於自由辯論環節，若然準備不足唔識回答問題時，可以轉移題目，轉移視線。鄭若驊呢個講法真係荼毒學生，做壞榜樣，事實上，佢領導嘅律政司就係活生生例子，就以壹傳媒黎智英（漢奸黎）去年六四涉刑事恐嚇東方報業集團（下稱「東方」）男記者事件為例，事件證據確鑿，有相有片，事發至今一年，東方及被恐嚇記者多次發信質詢調查進展均不得要領，遭到律政司「虛應」，「擺官威」兼不聞不問，鄭若驊做官做到咁真係離晒大譜！