政情：邱騰華座駕違泊 「AM 8」剷上行人路

疑似司機企喺隔籬

車牌「AM 8」係現正署任財政司司長一職嘅商務及經濟發展局局長邱騰華嘅專用座駕。讀者爆料時就話，雖然車入面冇人，但架車旁邊就企咗個衣着打扮似司機嘅男人，好似等緊老闆咁款。

經常都同警方合作處理違泊問題嘅東區區議員趙家賢知悉後都話，政府為打擊違例泊車問題，最近俗稱「牛肉乾」嘅交通違例定額罰款都加咗價，但依家政府高官帶頭泊架車上行人路，真係「有冇搞錯」咁話。商經局發言人表示，局長事後向司機了解情況，已囑咐司機必須謹慎和遵守交通規則，並就事件致歉。