中環出更：李漢奸娶新抱 漢奸黎陳日君冇到
外號「李漢奸」嘅民主黨創黨主席李柱銘尋日娶新抱，佢個仔李祖詒同莎莎主席兼行政總裁郭少明嘅幼女郭詩雅早上喺中環堅道聖母無原罪主教座堂舉行婚禮。同李漢奸同屬「搞事四人幫」嘅就只有「民主阿婆」前政務司司長陳方安生現身，未見「漢奸黎」壹傳媒黎智英同天主教香港教區前主教陳日君到場。漢奸黎平時與李漢奸頻頻密會，李漢奸娶新抱，佢反而冇影未有現身觀禮，認真耐人尋味。
民主阿婆曾蔭權爵士夫婦有現身
李祖詒同郭詩雅嘅婚禮尋日早上十一時舉行，民主阿婆、前特首曾蔭權爵士夫婦、東亞銀行主席李國寶、民主黨立法會議員涂謹申、前立法會議員周梁淑怡及單仲偕都有出席。而曾蔭權爵士夫婦就喺婚禮開始前十分鐘先喺G4護送下抵達，成個婚禮於中午十二時許完成。
最令人意想不到嘅係經常與李漢奸密會嘅漢奸黎竟然選擇唔去觀禮，仲被發現喺中午十二時左右同屋企人由何文田寓所出發，到中環一間意大利餐廳用膳，食咗約一個半鐘先離開，之後就返回何文田寓所喇。
卓妮