政情：八網難逃：民協甩轆 譚國僑變譚「個」僑

有圖有真相，民協甩轆將該黨深水埗區議員譚國僑改名為譚「個」僑！民協深水埗團隊尋日喺Facebook圖文並茂，話尋日深水埗區議會一個委員會開會，有民主派區議員提出兩個臨時動議議案，要求預留撥款予有興趣嘅深水埗區小學，一同落實推動深水埗區學校「無家課日」，佢哋指控最終因經民聯深水埗區議員梁文廣授權該黨另一名區議員投票，令到兩項議案均遭否決，形容今次事件係「授權票霸權」嘅重要案例。