政情:公民講場:旅客遭強收報關費 邱騰華把關不力

去旅行要畀導遊費就聽唔少,但「報關費」又聽過未?本報日前獨家踢爆,有送關員自稱係香港旅遊發展局職員,喺旅遊巴上向內地旅客收取每人百三蚊嘅「報關費」。呢啲情況唔係今時今日先出現,但政府相關部門好似啱啱先瞓醒咁,旅遊事務署尋日先話有關行為明顯涉及詐騙,已通報警方調查咁話喎。成件事影響到香港嘅形象,好明顯負責旅遊嘅商務及經濟發展局局長邱騰華把關不力喇!

第一手消息請下載on.cc東網iPhone/iPad/Android/Windows Phone Apps