政情：今日你上鏡：黃錦星踢爆陳帆冇返工

個別官員互相開玩笑，有時真係好似買大細咁，環境局局長黃錦星同運輸及房屋局局長陳帆早前一同出席一個晚會，兩個人坐埋一齊仲有講有笑，閒談間黃錦星突然踢爆陳帆「今朝你都冇返工」，陳帆即刻爆笑「咁你都踢爆我？」原來陳帆嗰日係冇返辦公室啫，佢出咗去公幹。話時話，黃錦星咁留意陳帆嘅行蹤，唔通佢成日走去陳帆嘅辦公室，搵陳帆傾偈？