話說港大法律系副教授、佔領行動發起人戴耀廷，喺前年立法會選舉發起「雷動計劃」，喺選舉投票當日最後數小時公開呼籲選民策略性投票，被外界質疑係「配票」干預選舉。政制及內地事務局尋日公布選舉安排檢討嘅諮詢報告，建議有關選舉調查嘅規管暫時唔做任何改動。政制局局長聶德權唔去堵塞呢個漏洞，反而放生戴耀廷繼續玩嘢，尤其戴耀廷搞緊風雲計劃，推更多人參加明年嘅區議會選舉，難保又出現類似配票嘅干預行為，到時聶德權後悔都太遲，肯定孭鑊！
