每逢政府主要官員會見傳媒，政府新聞處都會事後發稿，記錄官員發言內容，算係政府新聞處恒常工作之一。不過，政府新聞處尋日就出現「甩轆」事故，竟然將國家主席習近平嘅名錯寫為「習平近」，認真離譜！
有錯嘅稿係由尋日中午上載到網站，而該稿件則係行政長官喺行政會議前會見傳媒嘅講話全文。全文只係兩度提及習近平全名，提得咁少次都犯錯，真係非常大意，而有關錯誤則出現喺第三段中。
雖然有關錯誤已經作出更正，現時上網翻睇該稿已經搵唔到「習平近」嘅身影，不過喺網絡點都會留低痕迹，政府新聞處唔好以為改咗就無人知先得囉！