呢排商界反強積金取消對沖初步方案浪接浪，鬧爆政府之餘仲要求加碼，例如日前114個商會聯署話要喺現有強積金機制上，僱主額外增加供款百分之二十，餘下由政府「包底」，而尋日又有商會聯會要求政府長期「泵水」，為商界封頂添！老實講，商界係咁發功反對方案，擺明係要同勞工及福利局局長羅致光玩鋪勁，睇下IQ（智商）高達一百六十、轉數咁快嘅羅致光，有冇計擺平呢？
