政情：今日你上鏡：玩爸爸生日氣球 袁莎妮扮29歲

生日當然開心，好似香港總商會總裁袁莎妮（Shirley）咁，早前喺Facebook上載咗一張揸住印上「29」數字氣球嘅相片，仲話自己見到呢張相都笑爆嘴。點解？事關佢偷咗爸爸生日派對嘅氣球，扮自己二十九歲生日，「29」其實係「92」，係佢爸爸九十二歲生日，所以見到呢張相就話笑爆嘴囉！佢仲寫低「我知冇人信，開心吓啫！」一如Shirley所料，有啲心水清嘅網友即刻留言，反問「29（歲）？」亦有網友讚佢有創意，仲有人話佢個樣睇落去仍然係二十九歲添，相信會係佢生日嘅最佳禮物。