公屋供應量短缺，輪候冊條隊愈排愈長，唔知幾時先上到樓？立法會建築、測量、都市規劃及園境界議員謝偉銓就建議，喺早期公屋嘅天台同外牆旁加建預製組合屋，以便短期內增加資助房屋供應。嘩！好似砌積木咁喎，但加建組合屋咪變咗僭建天台屋？其實謝偉銓都係想減省重新規劃嘅時間，唔使政府搵休憩用地建屋遭到地區反對，藉此加快推出多啲單位啫！究竟呢個想法係咪佢一廂情願呢？咁就要睇政府點回應嘞！
