曾經做過民主黨（白鴿黨）副主席嘅勞工及福利局局長羅致光，尋日被問到對前黨友許智峯（峯鴿）搶走行政主任手機嘅睇法，佢覺得唔太適合表達意見，作為前白鴿黨成員嘅身份，認為應保持緘默較好。老實講，劉慧卿作為前主席叫峯鴿退黨嘅言論，即刻畀現任主席胡志偉話佢只係普通黨員，言論唔代表白鴿黨，更何況係退咗黨嘅羅致光吖，尤其佢係問責官員，講多兩句容乜易畀人又扯到政府身上，根本犯不着蹚峯鴿呢攤渾水喇！
