政情：陳帆晒舊Look 硬銷實習計劃
近來興起舊相熱潮，早排先有方國珊爆出青春少艾照，吸Like度極高。政府為咗催谷「與司局長同行」計劃，就要一眾司局長同市民大玩「猜猜我是誰」，你又認得出幾多個？
9位司局長「犧牲色相」
扶貧委員會早排推出「與司局長同行」計劃，畀高中生可以有機會成為司局長嘅「工作影子」一天，近距離體驗主要官員嘅工作同政府運作模式。政府尋日推出宣傳片，有九位司局長「犧牲色相」，其中年輕版嘅運輸及房屋局局長陳帆真係好唔同，佢身穿格仔衫、戴黑框眼鏡，髮型亦十分時尚，而教育局局長楊潤雄就一早到長城做好漢，政制及內地事務局局長聶德權就一身「披頭四」嘅打扮。唔知今次晒舊相仲有冇咁吸Like呢？