中環出更：鄧以海想個女承繼衣鉢做海關

父母有時都會想仔女同自己做同一行，海關關長鄧以海尋日出席香港特奧執法人員火炬跑開幕典禮時講起，女兒已經廿三歲啦，依家已經畢咗業，問起佢女兒有冇考海關，佢唔係答「有」或者「冇」，而係答「未」，坦言希望女兒可以諗吓考海關喎。

鄧以海話可能因為自己係執法人員，所以女兒都對法律有啲興趣，大學揀咗讀法律，已經畢咗業嘞，依家去咗律師樓實習，周圍試吓、學吓嘢。唔好以為讀法律就會好文靜呀，鄧以海話女兒讀書時都好鍾意游水o架！

佢又話自己做咗海關咁多年，如果女兒有機會都投身海關就當然好啦，不過都咁大個女嘞，都會尊重佢自己嘅諗法，畀佢自由發展嘅，而且都唔一定咁早就考海關嘅，可以喺社會睇多啲唔同嘅嘢先，攞多啲經驗吖嘛！

卓妮