探射燈：食衞局失職街市翻新亂規劃恐淪百億大白象

《財政預算案》預留廿億元為全港近百個轄下街市進行翻新工程。惟參考擔當「白老鼠」的沙田大圍街市已需耗資逾一億元，按此推算，整個計劃工程費用隨時變成無底深潭。另外，食物及衞生局選擇街市進行工程的優先次序亦欠準則，不少街市商戶飽受無冷氣、冧石屎、漏水、鼠患等困擾，當局卻視若無睹。

翻新大圍街市的工程費用，已需近一億一千萬元。

「成個街市翻新、裝冷氣嘅現代化工程要搞八個月，我哋呢段時間去邊做生意？」在大圍街市擺檔多年的陳先生憂慮，顧客因為大圍街市翻新而會光顧其他街市，日後即使重開，他們也不再回來，直言「翻新又死，唔翻新又死。」

商販支持卻遭食署拖4年

該翻新工程屬街市現代化工程計劃之一，《財政預算案》公布將預留廿億元，在未來十年為食衞局轄下九十九個街市進行改善工程。不過，沙田區區議員董健莉指出，早於一四年，該街市已獲近九成商販支持翻新，卻遭署方歎慢板冷待，「拖拖拉拉用咗三年時間先出到設計圖。去到今年，最終設計圖則先畀到立法會審批。」

單單翻新該街市的工程費用，就需近一億一千萬元。惟該計劃並沒有就翻新的街市數目「封頂」。立法會財務委員會委員梁志祥指出，以一億元翻新一個街市計算，九十九個街市「埋單」總數將約百億元，「當局現時只要求廿億元嘅做法，好似用『掩眼法』，企圖以一個較低嘅工程金額蒙混過關，易啲喺財委會通過撥款咁。」梁擔心，日後食衞局將以工程已展開為由，勢必不斷向立法會「撳住搶」。

北葵涌街市不少抽風機目前已不能運作。

譚先生抱怨，在天氣炎熱時，不消數小時鮮魚已腐爛發臭。

無冷氣冧石屎鼠患未解決

此外，該計劃維修街市的優先次序亦被指欠缺準則。縱使食衞局局長陳肇始早前成立專責隊伍，檢視現有近百個街市的情況，又指有十一個街市將優先進行工程。但記者巡查發現，與大圍街市同年啟用的葵涌北葵涌街市，雖同樣面對街市嚴重老化問題，卻不獲優先處理。

「街市抽風機得個樣，其實全部壞晒，夏天有成攝氏三十七度。」上址魚檔東主譚先生抱怨，在天氣炎熱時，不消數小時鮮魚已變壞，每日因此損失約為數百元，希望當局盡早於街市內裝冷氣。葵青區區議員郭芙蓉指，食衞局有責任為全港街市制訂現代化工程的時間表，「點解唔係局方主動翻新，要攞夠八成商戶同意先去做？」

元朗同益街市情況更為嚴峻，抬頭往上望，只見街市天花部分石屎早已剝落，不少露出生銹的鋼筋。「食環驚石屎跌落嚟揼親人，用咗成百萬喺天花鋪咗個網擋住。但咁做法，只係斬腳趾避沙蟲。」在街市賣菜廿多年的蘭姐稱，每逢雨季，天花便漏水，猶如瀑布的滲水常浸壞貨物。元朗區區議員蕭浪鳴表示，「成個街市漏水漏到形成鐘乳石，真係好誇張！」

九龍城土瓜灣街市商販亦受盡鼠患困擾。水果店東主方太直指，「街市啲老鼠好多，日日咬我啲生果，咬咗一啖就唔要得！」而菜檔東主陳先生則不滿街市防滑地磚「做啲唔做啲」，「食環喺前年換咗地下三分之一地磚就唔理。」九龍城區區議員林博擔心，若食環署不盡早翻新街市，隨時會爆發鼠患。另外，西貢街市老化問題亦不遑多讓，菜檔東主祥哥批評，「我哋菜檔喺二樓，呢度啲(車立)同扶手梯一星期壞兩、三次。壞咗嘅話，幾十籮菜就要自己抬上嚟，攞命！」