粉嶺高爾夫球場近日成為全城焦點，其實早於二○一三年已有團體要求收回高球場起樓，時任規劃署署長凌嘉勤似乎唔多想掂咁，拖到翌年先同土木工程拓展署展開相關研究，成個研究仲要直至今年初先至完成，不過凌嘉勤就早喺一六年底已退休，甩難唔使處理。「土地大辯論」啱啱開始，不在其位嘅凌嘉勤尋日就聲大大撐要保留高球場嘅古樹同古墳等本土文化歷史，如果佢咁有立場主見，在位時點解又唔積極啲處理，今日先以「前署長」牌頭喺度指指點點呢？
