兩電將推出「上網電價」計劃，以每度電三至五元收購民間透過可再生能源系統生產嘅電力。環境局局長黃錦星尋日出席電台節目時話，希望大家可以利用呢個契機，安裝多啲環保裝置，期望回本期為十年。不過，被問到會唔會為參與嘅市民喺安裝問題上拆牆鬆綁，黃錦星就只係話要平衡考慮；被問到會唔會為市民購買能源設備提供免息貸款，佢又話未必係主流做法。呢樣唔得，嗰樣唔會，民間仲有乜嘢誘因去參與十年先回本嘅計劃呢？
