財政司司長陳茂波（波叔）尋日去咗「攀爬」位於飛鵝山上、高六十米嘅電塔，咪以為佢經常以西裝示人會好論盡，竟然三爬兩撥就成功，真係深藏不露喎！其實波叔唔係去攀爬真正嘅電塔，而係利用虛擬實境（VR）技術去化身電力工程人員，攀上模擬嘅中電輸電塔，以感受喺架空電纜上工作嘅情況，睇怕真實嘅佢都冇咁好身手喇。佢試用嘅呢套VR教學軟件，主要係協助新入行嘅工程人員熟習吓器材運用，適應後先再實地訓練，尋日波叔已經熟習咗，唔知幾時去實地訓練呢？
