早前發生多宗懷疑虐兒案，政府早前宣布以獎券基金撥款，分階段為全港逾七百間資助幼兒中心、幼稚園等提供社工服務，初步構思社工同學童比例為一比六百。有立法會議員就質疑一個社工點記到六百個人嘅名、樣貌同需要呀？就連出名IQ（智商）高達一百六十嘅勞工及福利局局長羅致光都話相信記六十個都有難度。既然明知呢個係「不可能的任務」，羅致光點解仲要設定呢個比例呢？社工工作量咁大，點樣分身幫啲小朋友，到時咪又係搞個大頭佛出嚟！
