政情：染髮劑含致癌物 鄭錦鐘：可免則免
唔少人都會染吓髮，染黑又好，貪玩染吓唔同顏色都好，都唔係啲新奇事，但近日有染髮筆驗出有超標嘅致癌物甲醛，需要下架，都引起大家關注o架！早前喺一個公開場合遇到保良局前主席鄭錦鐘，佢講起自己過往都試過染髮，但係佢就話覺得染髮劑一向有好多致癌物，真係可免則免啦！
鄭錦鐘話自從二○一四年後就已經好少染髮啦，因為一四年前做緊保良局主席，嗰時想形象好啲、好睇啲，咁就會染吓髮嘅，依家冇做保良局主席，所以就唔理啦，始終染髮劑對身體唔係咁好吖嘛！
通常去髮型屋染
好多人都鍾意喺屋企自己染髮，但鄭錦鐘就唔係嘞，佢話通常都係去髮型屋染嘅，因為唔識自己搞呀，去染髮又順便剪埋頭髮囉！咁又係嘅，去髮型屋染髮，就唔使擔心啲染髮劑會整污糟屋企嘅地方啦！