立法會《廣深港高鐵（一地兩檢）條例草案》委員會近期密密加會，民主派就次次拉布，身為委員會主席嘅葉劉淑儀尋日主持會議時，唔止對民主派態度強硬，就連獨立建制派議員謝偉俊（Paul）提問都畀佢打斷。一眾民主派議員就乘勢投訴，其中郭家麒就話戥阿Paul難過，又話阿Paul唔應該喺葉太淫威之下退縮喎。班民主派口口聲聲為阿Paul「伸冤」，其實咪又係想拉布拖延時間。唔怪得葉太要施展「淫威」，封住議員把口喇！
