樓價高企係港府施政嘅頭號難題，如何解決高樓價問題嘅「藥方」滿天飛。前天文台台長林超英尋日都樓市專家上身，話房屋問題與土地供應無關，應歸咎於巨額外地資金湧港，抬高樓價云云，不過就被網民話佢咁講係掀起反投資情緒。林超英係氣象及觀鳥專家，又係環保鬥士，早幾年都有一顆小行星以佢名字命名，以表揚佢喺推廣關注氣候變化上嘅貢獻。之不過唔熟行就係唔熟行，樓市嘅嘢都係留番畀專家去頭痛喇！
