取消強積金對沖問題一直處於膠着狀態，但日前有消息話政府有新方案，其中財政承擔將由原本嘅一百五十億元加碼至一百七十五億元。咁做都係想勞資雙方都收貨啫！但自由黨嘅立法會議員鍾國斌指方案係「搵商界笨」，事關呢筆錢三年後就用完，之後就要商界每年額外多付六十億元，仲表明商界同勞顧會資方代表將反對方案添！鍾國斌咁快落閘，打爛咗勞工及福利局局長羅致光嘅如意算盤，唔知點收科？
