立法會財務委員會早前通過修改財委會、轄下工務小組及人事編制小組兩個委員會嘅議事程序，以阻民主派喺審議政府撥款時拉布，政府日後申請撥款相信都輕鬆啲。不過，財委會主席陳健波向來都係穩陣派，尋日就喺電台節目上話，財委會本年度可召開六十四小時會議，但政府希望通過八十多項撥款，當中包括具爭議嘅撥款申請，所以擔心未必夠時間討論喎。其實現時議員拉布已較以前困難，陳健波咁快就嗌定先，唔通想暗示隨時手起刀落剪布？
