政府搵嚟搵去都搵唔夠地建屋，粉嶺高爾夫球場塊地係咪應該收番起樓備受爭議。立法會房屋事務委員會副主席尹兆堅就一直吼住呢塊地，覺得好應該用嚟起樓，至於香港陸路客貨運輸業議會主席蔣志偉尋日出席電台節目時，就話香港有兩個馬場，質疑政府點解唔收番跑馬地馬場起樓。講真嗰句，尹兆堅叫咗政府收番粉嶺高球場咁耐都唔成事，依家蔣志偉叫政府收番馬場就更加唔使諗，而且一眾馬迷睇怕都唔會支持佢啦！
