政情：公民講場：推動電子競技楊偉雄慢幾拍

政府之前話要推動電子競技，講吓講吓冇咗件事咁，而創新及科技局局長楊偉雄尋日話會同數碼港合作搞，至於細節就會喺新一份預算案公布咁話。老實講，坊間搞電競已經搞到好普及，好多更加係自己組隊去參加海外嘅賽事，楊偉雄依家先話去推廣電競，好明顯已經慢咗好幾拍，仲要由頭開始做起，包括提供場地、支援培訓電競人才，甚至話要加強產業發展，落後咗咁多都唔知要花幾多時間先追得上。