政情：葉劉將桃花運留畀阿女

踢爆容海恩異性緣佳

葉劉同黨友議員容海恩（Eunice）一齊去到灣仔利東街派花，收到花嘅市民都相當受落。葉劉指自己工作忙，唔得閒留意身邊係咪有追求者，反問「有你話我知呀」，又話即使有桃花運，都寧願留畀阿女，似乎相對愛情，佢更加希望早日飲到杯女婿茶喎。

至於緋聞多多嘅Eunice就自稱無人追同無花收，又話自己冇擇偶條件，自嘲依家仍未結婚，係感情失敗者。不過，葉劉就踢爆Eunice身邊桃花多，其後緋聞男友之一嘅袁彌昌突然現身，呢個時候葉劉又爆一句「又做媒人囉」，令呢段緋聞更加疑幻似真。