帶傷救人 硬漢面縫31針：「血女壓身」噩夢難眠
「哎呀，大鑊！」的士司機「劏面」皮開肉綻，披血救出三人，身心受創難入眠。六十歲男傷者陳容來，事發時坐在巴士下層中間，隆然巨響後，他大叫一聲便被拋到車尾，他憶述被困在染血人堆中，自己亦血流滿面，仍盡力協助三名傷者逃離車廂，他左臉頰被劏開縫了卅一針，手腕縫了六針，雖大命不死，但每合眼便浮現「血女壓身」的恐怖一幕，出事後兩日都失眠。他指開車前乘客因等得久曾「鬧」過車長，巴士行駛途中，又快又「chok住」入彎，有乘客怒罵車長「點揸車o架？」
任職夜更的士司機的陳容來，與十九歲仍在學女兒及九十三歲母親，一家三口同住大埔區，他稱一年最多只會入馬場觀賽四次。近日母親身體抱恙，因氣管問題要住院，他於是不上班，方便隨時探望及照顧她。事發當日（10日）探望母親後，乘錯車去了太和邨，剛好遇到幾名老友，對方邀請他一起入沙田馬場，他便買了一份馬報，和好友入馬場。
司機上客歎慢板 搭客鼓譟
陳憶述，散場後輪候九巴872號線，當時近百馬迷候車，他前方約有廿人，當時有兩輛巴士停在車站，但一直未開門上客，有乘客開始鼓譟，「當時啲人奇怪部巴士點解咁耐都唔開門，有啲人就圍住部巴士，望吓係咪有人喺入面瞓覺唔開車，又冇人喎，隔咗一陣，先見到個司機喺另一邊施施然行過嚟，當時有啲乘客大聲話佢：『唔使做呀？』」
陳又稱：「個司機冇理佢就上咗車，但冇即時開車門，過咗兩分鐘先開門畀人上車。」排在他前面的一位女士，原坐在下層中間卡位的近走廊位置，但其後走到上層，他便順理成章坐在該位置，當時下層乘客爆滿。
被拋車尾 負傷協助三乘客
他形容，巴士開車後車速一直頗快，行經第一個迴旋處，陳感覺到巴士「chok住入彎」，到另一個迴旋處時，感覺到入彎速度更快，多名乘客幾乎跌倒，有人即向司機破口大罵，質問對方：「你點揸車口架？」陳望向司機位方向，見司機抬頭望着倒後鏡，他憤稱：「我覺得個司機態度好差。」惟巴士未有因此而減速，「我聽到個引擎聲，知道佢加緊速，部車愈行愈快，最尾就失控翻側咗，當時感覺到好大離心力，不禁大叫咗聲『哎呀，大鑊』。」
事發後車廂一片狼藉，他指身旁滿是披血傷者，部分失去知覺。陳稱：「我當時拋咗去車尾，受咗傷流緊血，見仲有氣力，就幫手將兩女一男乘客托起，等佢哋喺太平門個位出咗去先，我再伸個身出車外，等其他人拉我出嚟。」陳頭及身體多處受傷，有朋友將事發時的照片傳給其女兒，女兒即時「嚇到喊」，擔憂不已。陳被送院後，左臉頰由顴骨至耳珠位置，共縫了卅一針，左手(月爭)亦縫了六針，而頭及身體各部位至今仍感疼痛，心裏留下陰影，昨日受訪時心情仍未平復，陳坦言：「我呢兩日都瞓唔到覺，我一合埋隻眼就諗番起當時嘅情形，我隔籬有個女人，佢成面血壓住我，但我幫佢唔到……」