話說香港個人資料私隱專員公署喺舊年收到逾三千五百宗投訴，較前年大幅上升九成，更係錄得自一三年以來嘅新高。點解投訴數字咁高？事關單係因為政府部門失誤，即係涉及選舉事務處遺失載有選民同選委個人資料嘅手提電腦嘅投訴就有二千宗，其次就係教育大學閉路電視片段截圖外洩事件，就因為一部電腦同閉路電視，已經搞到私隱專員黃繼兒好頭痕喇！
