政情：驚太太用盡積蓄 朱凱廸諗定申法援
立法會尋日審議緊上調申請法援嘅財務資格限額，期間議員朱凱廸就話自己喺十年前都申請過法援，但依家變咗中產人士就冇得申請喇，但佢預計自己仲有機會符合申請資格嘅，何解？
依家中產唔合資格
朱凱廸話發現隨住年齡增長，結咗婚、有仔女等等嘅情況，佢逐漸成為一個中產人士，就已經唔符合申請法援嘅條件，跟住又話自己仲有機會申請到法援，就係佢七老八十嘅時候，仔女唔供養佢，老婆又用盡佢啲積蓄，咁就有機會重新符合資格喇，只係中間三十幾歲至六十幾歲呢段時間就唔知點算？唔知朱凱廸係預計自己會飛來橫禍，定係打算經常提司法覆核，所以諗定要點先申請到法援？
據了解，佢十年前申請法援係關於皇后碼頭司法覆核案，當時法援最初以冇勝算為理由拒絕，但最後上訴得直。