政務司司長張建宗喺尋日大除夕發表網誌,話隨着立法會修訂《議事規則》嘅課題告一段落,政府會爭分奪秒,將積壓落嚟嘅條例草案同事項提交畀立法會。老實講,泛民稍後將會推動第二波修訂《議事規則》嘅行動,再加埋三月份四個議席補選,若果泛民攞番晒啲議席,必定又再拉布,張建宗梗係要趁住呢個黃金檔期,拿拿臨喺櫃桶底摷番晒啲草案出嚟,否則就凍過水嘞!