大時大節，梗係想一家人齊齊整整食餐飯喇！原來運輸及房屋局局長陳帆屋企都唔例外，佢日前喺政府總部路過，撞見記者就落力用手指嚟指去，介紹依家出入方便咗幾多，又講起佢媽媽都幾重視冬至，以往都會要求佢當日要返屋企食飯，但係自從媽媽過身後，冬至返屋企食飯就唔係必須嘅事，因為太太對佢都冇咁嘅要求。咁太太有冇怪責佢出任問責官員後好忙呢？佢就話冇，仲笑指佢做得晒啲嘢，太太就安樂o架啦！
