中環出更：有意戰補選 劉頴匡開記者會甩轆
立法會補選明年三月舉行，傘後團體「社區網絡聯盟」發言人劉頴匡宣布有意參選新界東議席，佢原定昨午喺城市大學一個演講廳開記者會，但不論使用室內或戶外場地，都被保安以活動涉及政治目的為由阻止，劉的團隊和保安一度僵持。最終劉頴匡趁保安不備，急急腳走到一角草草「扑咪」交代參選意向，連起跑線都未行到已經甩晒轆。
遭拒供場地 草草「扑咪」交代
被問到是否獲青年新政支持出選，劉頴匡承認只獲梁頌恆個人支持，其實青年新政內部仍在商討，未有決定。佢又主動提到自己「不支持港獨」、「擁護及熱愛《基本法》」，又稱日後參選可簽署確認書。另外，劉頴匡明言不會參與民主派初選，又不點名批評參與新界東初選嘅新民主同盟范國威「無視政治倫理和原則」。
劉頴匡又話，如果最後由中大學生會前會長張秀賢或工黨郭永健勝出新界東初選，屆時雙方可就選舉溝通協調；又話如果日後當選，會支援不分政治光譜的被捕抗爭者，提供法律支援及刑滿後的就業支援等。雖然聽落好有計劃，但搞個記者會都搵唔到地方，真係唔知佢點打呢場選戰。
卓妮