天水圍「泥頭山」早喺去年三月被揭發，其後事件不斷擴大，雖然近期降溫，但就因官員到訪而再惹關注。事緣「泥頭山」範圍內嘅燒烤場，涉嫌因違規構築物而被釘契，但機電署署長薛永恒等官員竟然毫無避嫌到燒烤場出席活動，惹來關注「泥頭山」嘅元朗區區議員李月民質疑存有包庇同縱容，直斥官員做事鹵莽。雖然參加活動純粹為咗支持機電安全及健康，但依家就好事變壞事，歸根究柢都係政治敏感度不足囉！
