中環出更：廠商會選戰後元老握手證友誼

香港中華廠商聯合會（廠商會）早前舉行會長選舉，競逐嘅兩邊陣營鬥到火花四濺，甚至鬧到要報警。不過，三名選戰風波嘅主角包括候任會長吳宏斌、副會長徐炳光同史立德尋日一齊出席活動時，就展示出君子器量，異口同聲話選舉過後會齊心協力，仲即場互相握手，力證友誼。

啱啱落幕嘅廠商會會長選舉競爭激烈，屬吳宏斌陣營嘅史立德與一度競逐會長寶座嘅徐炳光曾出現爭拗，搞到報警處理。選舉最後以徐炳光棄選、吳宏斌勝出落幕，咪以為大家會因此而心中有刺，其實佢哋「識英雄重英雄」，尋日喺選戰後首度公開同場見面，三人不但冇面左左，仲笑容滿面互相握手。

徐炳光話，選舉之後就冇「隔夜仇」，仲話若有需要會繼續為廠商會服務。至於史立德啱啱以最高票成為第一副會長，唔知三年後換屆時，佢會唔會爭取成為會長呢？

卓妮

中環出更：廠商會選戰後 元老握手證友誼