行政會議尋日討論兩電加價，一度傳出指港燈加幅高，要打回頭再商議，最後兩電公布一齊加百分之一點九。環境局局長黃錦星拒絕回應係咪有打回頭呢件事，話兩電加幅回應咗市民訴求，仲話由二○二○年起，由於增加轉用天然氣發電比例，因此電費加幅將會上升，強調係大勢所趨。老實講，黃錦星喺行會開會前壓唔到港燈加少啲已經係失職，仲預告埋日後電費仲會加，即係話佢乜都做唔到，等市民捱貴電喇！
