6空缺11人競逐
副會長選舉尋日截止報名，總共有十四人參選，扣除競逐連任嘅三名副會長徐晉暉、吳清煥同史立德，餘下嘅六個空缺則有十一人競逐，除咗之前講過嘅常任會董陳國民、吳國安、盧金榮、沈運龍、劉文煒、黃震同會董馬介欽等，新加入戰團嘅有常任會董李嘉音、黃家和、余立明同會董丘偉基。
換言之，幾乎係兩個人爭一個位，喺明日正式選舉投票，預料一半人被淘汰。
緊張氣氛仍未紓緩
有廠商會中人話，原本以為會長之爭告一段落，內部嘅緊張氣氛應得以紓緩，但突然間咁多人競逐副會長嘅空缺真係始料不及，反令緊張氣氛更加熾烈。