政情：有相為證：戴頸箍闢謠林新強證受傷

早前有指律師會前會長林新強因為整親頸，而冇乜出席人大選舉嘅各個論壇，佢尋日出席政黨嘅周年晚宴時，戴住頸箍現身，證明真係整親。佢提到自己嘅不幸經歷發生喺報名後第二日，返內地工作時瞓厲頸，返港後痛到頂唔順，入咗浸會醫院，醫生話佢有啲老化，所以先會咁，近日再拉票時曾試過拆頸箍，但因為太痛，都係唔拆得，依家仲有一個星期藥，希望食完就好番啦。