立法會修改《議事規則》嘅戰線喺上星期掀起序幕，立法會主席梁君彥除咗將議程打尖排頭位去審議，尋日仲決定要加足四日會議處理，實行返老還童，似足啲學生哥衝死線交功課咁。話時話，梁君彥上星期就講明，話希望可以喺聖誕前完成審議，仲死口唔認自己有定到「硬死線」，但係依家睇佢又打尖又加會，仲唔係想趕聖誕前死線，咪呃人喇！
