香港樓價高，市民買樓「上車」難就眾所周知，財政司司長陳茂波接受內地媒體訪問時話，香港樓價太貴，好難負擔，係香港人目前最痛嘅地方。佢又話，之前金融風暴同沙士時樓價暴跌六、七成，導致社會認為唔需要咁多樓，但依家環球利率低、好多人嚟香港買樓，持續推高樓價，要釋放土地社會又要有一定共識。政府對房屋問題一直苦無對策，只係識得搵地，但人口不斷增加，遠水不能救近火，陳茂波除咗知道「港人最痛」外，又有冇靈丹妙藥呢？
