觀塘區議會副主席洪錦鉉一向官仔骨骨示人，但佢日前就上載咗一段跳舞片到社交網站呃Like，睇落「舞」功都有番咁上下。佢話已經十幾年冇跳過舞，只係當晚趁開心而露兩手，但佢只係露兩手，已經成功令到在場人士紛紛起哄喇！佢仲喺社交網站上自爆，話以前參加聯校聖誕舞會時當選過舞王添！果然係深藏不露。難怪片段一出就吸引到唔少人留意，有人就大讚佢做「舞林高手」，亦有人話佢十年冇跳都依然似模似樣，睇嚟大家都估唔到佢有呢一面喇！
（互聯網）
