轟水署「未查就話冇事」 荃葵居民有水唔敢飲
【本報訊】荃葵居民「有水唔敢飲」，怒轟水署：「未查就話冇事！」水務署雖然解畫指異味水對人體無害，惟該署公布資料殘缺不全，難以消除居民疑慮，有居民昨日仍繼續到水車「輪水」，亦有人到超市購買樽裝水，食肆則用濾水器過濾自來水。
居民：食水仍有大陣異味
水務署昨日繼續安排水車及水箱在大窩口邨及葵涌邨供水，不少居民對水喉食水水質失去信心，寧願多走幾轉落樓取水，輪水的大窩口邨居民李伯直斥：「水務署梗係話（食水）冇問題，水質化驗報告都未確定乜嘢事，就話冇嘢，大人飲咗仲好啲，小朋友就會有好大影響。」育有一名七個月大女嬰的居民羅太稱，仍擔心「污水」影響愛女健康，故暫時不敢取用，安全為上到水車取水沖奶。
在葵涌邨，碧葵樓居民譚先生指前日食水仍有大陣異味，昨日情況好轉，但煮食時仍會到樓下取水，自來水只用作洗碗，直至證實食水安全才會安心使用。葵涌邨一間食肆的職員表示，因店舖裝有濾水器，故可繼續使用自來水，毋須到水箱取水。而邨內超市就特意將樽裝水放在當眼處供居民選購，不時見居民「掃貨」，購入多支大樽裝水。