政情：主持財會磨練脾氣 陳健波告別「重力波」

第三年做主席 表現獲讚賞

波哥近期積極推動落實「主席指示」，所以同泛民主派摩擦亦有所增加，除咗頻密嘅書信來往，開親會都上演一輪口水戰。不過今年係佢第三年做主席，所以處理手法愈見純熟，以前佢有個花名叫「重力波」，經過幾年磨練，現時脾氣好咗好多，有建制派仲讚波哥表現進步，不時爆出金句。

波哥都話太太亦讚佢脾氣好咗，仲大嘆對比下先發現屋企事務濕濕碎，睇嚟波哥做主席雖然激心，但都有得着喇！不過波哥話都有動怒嘅時候，好似早前開財會當日，先收到教育界議員葉建源有關「主席指示」嘅信，直言時間緊迫先來信有古怪，所以起初都好嬲，但閱後見信中無新理據，先平靜番咁話。