政情：泛民拉布累柯仔吔冷飯
立法會尋日出現拉布情況，搞到唔少議員都無啖好食，唔敢離開立法會大樓。好似議員柯創盛（柯仔）一個飯盒就要分三次食，而議員陳恒鑌（Ben）就喺立法會訂飯，用十分鐘鯨吞午餐後就即刻開會。
得10分鐘食飯
每逢立法會舉行大會，秘書處都會喺宴會廳為議員安排午餐，但議員就需要訂先有份食。柯仔話自己多數有愛心飯盒，而且自己習慣午膳食得簡單，食量偏小，所以就冇選擇訂飯，又可以避免浪費咁話。
至於阿Ben雖然得十分鐘時間食飯，但佢透露，秘書處喺今個會期開始換上新嘅供應商，仲大讚好食添，睇嚟伙食幾好喎。佢仲話呢間供應商係由飲食界議員張宇人介紹，睇嚟都有信心保證，而佢更聽聞午膳係由大廚主理添！
尋日係阿Ben首次食呢間供應商嘅飯，佢就話依舊有湯有糖水，連燒鵝都有。聽落都覺得好好餸喎。