政情：楊政龍成立創投基金助年輕人創業

英皇係今次活動嘅唯一戰略夥伴，Alex趁機宣布成立英皇創投基金，明年將舉辦一場比賽，勝出者有望獲得該基金投資，希望藉此推動社會創新風氣。

將拓展三大業務

Alex話英皇集團自一九四二年由一間小鐘錶店開始，經歷七十五年已發展為業務涵蓋八大行業嘅綜合集團，但集團不停與時並進，今年落實拓展三大業務，以迎合智慧時代，包括成立創投基金、共用工作空間及英皇電競，上述投資都係集團對社會日新月異發展嘅回應，希望協助年輕人創業。

今次會議聚焦討論人工智能（AI）對人類嘅影響，被譽為「全世界最聰慧大腦」嘅英國著名物理學家霍金，亦專誠為大會錄製一段視頻演講。

霍金話強大嘅人工智能崛起對人類歷史一係最好嘅事，一係最弊嘅事，大家都應該要關注如何約束機器，寄語人類唔好被AI摧毁。