政情：公民講場：乜都爭輸畀建制 莫乃光一味捱打

喺早前十八個事務委員會正副主席選舉，雖則泛民取得正副主席嘅數目較上一立法年度多，但政制、教育同民政等三個委員會仍係建制派包攬晒，再加上財委會主席陳健波又講到明，若果喺今日嘅交流會上冇人反對，喺下周五嘅財委會就會實行「主席指引」，即係會大力剪布。莫乃光做咗民主派議會召集人之後，一直畀建制派撳住嚟打，爭櫈仔輸咗，抗剪布又輸，喺建制派人多勢眾嘅情況下，睇怕只會繼續捱打。