中環出更：漢奸黎密會攪局三句鐘 陳日君有份
外號「漢奸黎」嘅壹傳媒黎智英不足十日內兩度密會攪局，尋晚佢同天主教香港教區前主教陳日君一齊步出中環一棟大廈，然後分別乘車離開。漢奸黎今次密會撞正喺新政府首份施政報告出爐後翌日，加上政府事前張揚本月底會就廣深港高鐵一地兩檢方案向立法會提出無約束力議案，漢奸黎咁啱喺呢個時候頻頻攪局，認真耐人尋味。
上次同四「老鴿」寓所密會
尋晚七時，漢奸黎喺何文田寓所乘私家車出發，喺中環威靈頓街落車，然後步行至中環雲咸街南華大廈上樓，而喺晚上九時四十五分，陳日君同漢奸黎一齊步出南華大廈，分別乘車離開。
連同今次密會，漢奸黎喺不足十日內兩度密會攪局，據報上次密會攪局喺漢奸黎位於何文田寓所進行，當時座上客有四名民主黨（白鴿黨）「老鴿」，包括外號「李漢奸」嘅白鴿黨創黨主席李柱銘、白鴿黨前主席「AV仁」何俊仁同李永達，以及白鴿黨前副主席單仲偕。
卓妮