香港創新科技大落後，政府尋日喺施政報告中都話要急起直追，投放更多資源喺研發、人才培訓，同埋發展香港成為智慧城市嘅多個項目，特首仲會親自領導高層次、跨部門嘅創新科技督導委員會，審核同督導相關措施同智慧城市項目。點解咁緊張呢？可能係楊偉雄出任創新及科技局局長超過一年半以嚟，喺推動創新科技同智慧城市都冇乜起色，再喺咁拖落去，香港冇晒競爭力遲早完，梗係要篤住佢去做嘢喇！
